إلي من يهمه الأمر

عملت كتير عشان خاطرك

وراح كل اللى عملته

لا انا حابك ولا كارهك

ولا في يوم قلبك ظلمته

وعدتك وكنت وافي

وانت الوعد خلفته

على اية تشكي الأسى

دة الأسى انا اللى شفته

بعت كل الناس عشانك

ولا إحساسى قدرته

عجبنى فيك تمسيلك

وتوب حبك اللي

على شماعة النصيب علقته

لا أنا فى قربك زاد عمرى

ولا ببعدك نقصته

عيش حياتك ياصاحبى

الدرس خلاص إتعلمته

عمر الدنيا ما بتوقف على حد

كتير ظلمنى قبلك وسامحته

أصل القصيدة

أنتي يا بيت الشعر يا أصل القصيدة

حزينة كانت أو سعيدة

تلميحي ليكى بكلماتي

بختصره في جملة مفيدة
لو حتى ذادت معاناتي
خدي مني فكرة جديدة
عن ال راح وعن الأتي
خليكي شخصية فريدة
كل ال جاي يتمنى وصالك
حتى ال راح سكة بعيدة
يذكر جمالك ودلالك
ويمدحوكي فى قصيدة
تبدأ باسمك وأوصافك
وتنتهي بفرصة سعيدة
بقلم
محمود العربي

نصيحة لعاشق

الحب قصة بتتعاش

حكايات جميلة ومحسوسة

إوعى ف يوم تبيع ببلاش

ثقة يوم كانت فيك ملموسة
دي دنيا فانية متسواش
دنيا ردية ومنحوسة
بنت الهفايا لو ببلاش
ابعد منها دي موكوسة
خد الأصيلة ومتسيبهاش
خصال الأدب فيها مدروسة
خاف الله ومتتعداش
حدود الشرع ودروسه
حياة اخرتها متر قماش
لو يوم تغرك يادي الحوسه
بقلم
محمود العربي

إياك تستسلم للوحدة

إياك تستسلم للوحدة

وعيد حسباتك من تاني

مهما الدنيا كانت صعبة

مفيش حاجة تيجي كدة مجاني
ظلم الأهل وظلم الصحبة
وفوق كدة ظلم زماني
بماشيهم واحدة بواحدة
والضحكة هي برهاني
تعبتوا قلبي يا ناس جاحدة
معقولة دة جزاء إحساني
ولا يوم هستسلم للوحدة
ولا يغويني بها شيطاني
أصل أنا عندي حياة واحدة
معقول هعيشها من تاني ؟
بقلم
محمود العربي
4 | 9 | 2015

الله يرحمك يا إبني

الله يرحمك يا إبني

فارقت بسرعة لية حضني

وسبت قلبي بيبكي جريح

ودمع فراقك عذبني
أنا السبب يا إبني مشيت بيك
وقولت أبعد بعيد وأداريك
ونعيش مع بعض حياة جميلة
وأتاري الموج غدر بيا وبيك
يامه هو دة نصيبي
لاهو عيبك ولاهو عيبي
ولا حد حس بوجعك يامه
لما صرختى وقولتى حبيبي
دي ناس عايشة فى توهه يامه
ولايعرفوش طعم اللمه
المهم يعيشوا حياتهم
وحياتنا ملهاش بقى لازمة
رضينا بنصيبنا وقسمتنا
والمهر دفعناه حياتنا
بس يا رب يفقوا هما
مركب ورسيت على شطي
وأنا يدوب لسه بخطي
خطوة خطيتها في بلادي
ما بين مجدي وأجدادي
والخطوة التانية على قدري
كفاية بكى ودموع يامه
إبنك فى نعيم الجنة
يوم القيامة هنتقابل
وهاخد حقي أكيد يامه
بقلم
محمود العربي
3 | 9 | 2015

نَاديِتُ فِي دُجَىَ الْليلِ

نَاديِتُ فِي دُجَىَ الْليلِ

يا قَمرَ الزَمانِ

أَمْا تَجُودَ بِاللِقَاءِ فَقْد أَضنَانيِ حِرماَنيِ

واَلمُقلَتيِنِ مِنيِ سَاهرةُ
واَلدمُوعِ علَىْ الخْدِ شُهُودً عِياَنِ
رُوحتُم وراَحَ القَلبُ يُنشِدكُم
كَعصفُورٍ علَىْ الأَغصاَنِ
يُنعِينْيِ فِراَقُكمْ
وَأبكَانيِ كَالصِبياَنِ
ياَ مَنْ أَشتَاقُ وِصَالَكُم
لَكُم مِنيِ عُذْرَانِ
عُذرُ فِي إِخلاَصْكم و وَلإَئِكُم
وَعُذرٍ تُخفِيةِ المَعاَنيِ
فَإِن حَلَلتُم يَوماً
بِحيِ العَاشِقِ الوَلهَانِ
سَتجِدُونَ حُبَكُم
كَما كَانَ فِي الوِجدَانِ
وَهَذاْ صِدقُ محَبتِي لَكُم
بِلاَ كَذبٍ وَلاَ بُهتَانِ
بقلم
محمود العربي
3 | 9 | 2015

سامح الناس

سامح الناس وانسى هفواتهم

دة كفاية عليهم تأنيب الضمير

يوم ما يحسو بغلطاتهم

ولا تعاتب حد على تقصير
سامح واغفر زلاتهم
واياك تبقى للشيطان أسير
ياما ناس ضاعت حسناتهم
وفي ناس كدة تجهل معنى التعبير
والخصام بيبقى جزاتهم
صحيح فى ناس كتير
سوء الظن ضيع حياتهم
ولابد ليهم من تغيير
وياخوفي يكون القطر فاتهم
قطر الحياة مراحله كتير
والناس منتظره في محطاتهم
انتبهوا لما سمعوا النفير
وكلهم عارفين درجاتهم
دة مكان الغني ودة مكان الفقير
وهو نفس القطار بس اسمه حياتهم
بقلم
محمود العربي
31 | 8 | 2015

هجرة الطير

متخافيش حبك فى القلب كبير

ما تمحية الدنيا ولا بعادك ينقصه

هفضل فاكرك دايما بالخير

والقلب أنت يا عمري إمتلكته
أيام وصالنا كانت زي طير
حط ف مكان والصباح بيكمل رحلته
بس ترك جرح مرير
هيفضل مع العاشق لاخر دنيته
ما أقدر أشوفك ويا الغير
ولا يرضيني تشوفي قلبي بحسرته
لأنك زمان حبيتي قلبي كتير
وقلبي ما ينسى ولا يجرح ناس حبته
نويت أهاجر زي طير
بجناح مكسور مضطر يكمل رحلته
وأتمنى أسمع عنك كل خير
ربنا يذيد فيكى محبته
وإبقي أذكري في نفسك حبيب بالخير
لو يوم صادفتى إسمه على تربته
متظهريش دموعك للغير
دمعك غالي الناس ما تقدره
وياريت تحكي لكل طفل صغير
حدوتة الشاعر وقصته
بقلم
محمود العربي

لما الدنيا تقسى عليك

لما الدنيا تقسى عليك

ولا الهم يبكي عنيك

ولا تحس إنك مش عايش

وحيد والناس حواليك
لما تلاقي الناس جارحة
وبتقتل جواك الفرحة
يا ريت ترجع بس بسرعة
قبل الدنيا ما تغدر بيك
لما تلاقي إنسان مظلوم
من العطف عايش محروم
علشان غلطة غلطها فيوم
لو تنصفه ربنا يراعيك
لما الأيام تلعب بيه
وخلاص الكل إتفقوا علية
يفضل يبكي بدمع عنيه
ممكن كل دة يحصل ليك
اوعى تقسى فيوم على حد
أو يدبل جواك الورد
لو الدنيا ضحكت ليك
غدارة ما بتدمش لحد
اوعى يموت جواك إحساسك
وتبقى غريب بين ناس مش ناسك
لو أعز الناس بكاك
صدقني من خوفه عليك
بقلم
محمود العربي
3 | 3 2011

غريب يا قلبي غريب

غريب يا قلبي غريب

غريب ومالي حبيب

هجروا يا قلبي الحبايب

وبقول قسمة ونصيب
غريب ومليش خلان
وقلبي ما بين الجدران
بيصرخ بقالوا زمان
ولا حد داري بتعذيب
غريب وحبايبي فاتوني
ولا مره يا ناس افتكروني
ولا حتى حاولوا يواسوني
دة أنا لجراحهم كنت طبيب
غريب ولا حد إشتاقلي
والغربة بقت ناسي وأهلي
وين اللي كان روحي وعقلي
فرقنا خلاص النصيب
غريب يا قلبي غريب
بقلم
محمود العربي
15 | 6 | 2010

خواطر

معقولة أكون عندك من عامة الناس

طب راح فين بقى الاحساس

ولا كلام إتقال وخلاص

طب والحلم اللى أنا شوفتك فيه
حتى كمان دة طلع اضغاث !!!!!
by
محمود العربي

لمين أشكي يا دنيا أوجاعي

لمين أشكي يا دنيا أوجاعي

وفين ألقى لهمومي قلب يراعي

أشكي الزمان ولا أشكي ظروفي

كتر الهموم ذود يا ناس خوفي
أتاري الحزن مولود معايا
والزمن ماله ياناس داعي
منين أروح ماشي ويايا
وأصبح طبع من طباعي
سألت الورد مالك حزين
دة أنت اللغة بين المحبين
أتريني قطفته بدون داعي
قولت أهديه لناس أحبابي
أتاريهم كانوا السبب في ضياعي
عشان كدة كان مني حزين
وقالي بكره تلف السنين
وتلاقي لحبك قلب يساعي
وبلاش تاني تقطفني
هات لي حبيبك وتعالى شوفني
بين البساتين تعرفني
وأعود حبيبك على طباعي
إني عمري ما بجرح حد
وعشان كدة سموني الورد
سفير العشق دايما بجد
والحب بريد وأنا الساعي
بقلم
محمود العربي
25 | 8 | 2015

ضع لنفسك مكان فى كل مكان

ضع لنفسك مكان فى كل مكان

ولا تتعجب من فعل الزمان

فربما دارت الأيام وضاق بك المكان

فاذهب حيث تريد
طالما بداخلك إنسان
فإنك عنوان لكل مكان
by
محمود العربي

إهداء الي صديقي

وكأن كل ما فعلته من أجلك قد ضاع هدر

وأنا الذي ظننت بأنك الحب المنتظر

وداعا يا زهر قلبي فالسماء لم تمد بعد بالمطر

قد أتى خريف العشق وتساقطت معه أوراق الشجر
وتمايلتى كالميساء في ضوء القمر
غرور قلبك جعلك عمياء والحب قد اندثر
ستبكي رثاء على حب من بين يديك قد مر
وتتذكري حروفا رسمناها فوق اغصان الشجر
وتطوفي تبحثين عني بين البشر
فلا حنيني ولا صدى صوتى تجدين له أثر
أتدري ما الذي حل بنا ؟؟؟؟
أم أني أتحدث الي حجر !!!!!
إهداء الي صديقي
Ęîď Mãhmôųď
بقلم
محمود العربي
20 | 8 | 2015

 

أوقات مزاجية

تحرري من قيد الوهم

تحرري من قيد الوهم

ودعي كل ذي هم

وانطلقي كصبح جديد

يزيل عبء الظلم
ودعي إحساس البليد
فليس الحب بلإسم
من أحب القمر البعيد
إذا دنى منه لرآه مظلم
فمن أحب صفاتك يوما يتركها
ومن أحب ذاتك فهي في قلبه كمجرى الدم
تحرري قبل رحيلي وسفري البعيد
فالحياة كلها بمثابة يوم
by
محمود العربي
19 | 8 | 2015

إلي من يهمه الأمر

يا من مررتي بحينا مرور الكرام

أما تتمهلي
وتزيلي برؤياكي عنا السقام
أشكو في دجى الليل معبرا بالكلام
تارة بين الأشعار وتارة بين الهيام
عذب الحروف يلامس إحساس الكلام
بين القصائد يطوف كأسراب الحمام
يا من إتصفتي بالولاء وأنتى أهل الكرم
كم أكن لكي من الإحترام
فإن مررتي من غد بحينا مرور الكرام
فترفقى بنا فالبعد قد سلب منا المنام
وإن جمعتنا يوما الأيام
لكي منى أغلى تحية ولكي أجمل سلام
by
محمود العربي
18 | 8 | 2015

خواطر

يقولون
تهوى القلوب من كان منها حاضرا....
وتنسى الذي عن العيون يغيب
.....
واقول فكم من حاضرا لا يستطاب به ،,,,
وكم من غائبا عن العيون حبيب
.....
حوده

نسيت إني وحداني

بحبك لية محستيهاش
ولا لغيرك فيوم تتقال
بقيت بهتم بالتفاصيل

تايه في دنيا وإنتى دليل
رسمت الدنيا بالألوان
فكرتك ليا هتدومي
وحبك يعيش مع الأيام
مكملش حتى غروب يومي
بتبكي لفترة م الماضي
عشان بالحب محستيش
ولا بكى على الفاضي
عشان خاطر ماتتلاميش
حبك زمان كان عود أخضر
طفل نفسه فيوم يكبر
ولما كبر راح ونساني
ولو أسأل عن أشواقي
ألاقي الدموع مجوباني
ألاقي الرد تلقائي
والكلمة على لساني
كلمة بحبك محستيهاش
وكل شئ بعتيه ببلاش
ونسيتى إنك حباني
أنا نسيت إن إنتى وحشاني
......... أسف
قصدي نسيت إني وحداني
by
محمود العربي
7 | 7 | 2015

خدتنا الأيام

خدتنا الأيام وتوهتنا ويا السنين
وبعدتنا عنك يا ضي العين
كل واحد شق طريقه

رحلة فيها ع الجمر ماشيين
ولا حد فينا عارف عن صديقه
غير إننا يدوب عايشين
كل واحد فينا بيتطمن على التانى
عشان كنا في الحب صادقين
ولا حد فينا كان أناني
وحكم النصيب اللي فرق الطرفين
راضيين يا رب بالمكتوب
صعب فراق الحبايب و لابد تدمع له العين
قالوا فى المثل ربك رب قلوب
بس المكتوب ع الجبين لازم تشوفه العين
by
محمود العربي
5 | 8 | 2015

يا دنيا إية ذنبنا

يا دنيا إية ذنبنا بتبيعي لية حبنا

وأبقى معاكي أنا دايما حزين مجروح

يا دنيا إية ذنبنا يضيع فيكي حلمنا

طول عمري منك أنا قلبي مليان جروح
يا طريقي إية أخرتك وخداني لفين خطوتك
خدني بقى للنور تعبت من عتمتك
يا زمان ملكش أمان طول عمري فيك حيران
عايش وياك وحيد لا أحباب ولا خلان
يا حزن إية ذنبنا شتت لية شملنا
دة أنا وحبيبي منك ضاعت سنين عمرنا
يا عيون دموعك جارحة نسينا طعم الفرحة
قلبي كتاب مفتوح الحزن فية 100 صفحة
مين يقرأ حزن كتابي مين شاف جواه عذابي
يبكي بدمع عنية على فراق أحبابي
يا حبيبي يا أجمل حكاية يا حلم عاش ويايا
فرقنا خلاص قدرنا ووصلنا للنهاية
يا قلبي عيش ع الذكرى وأنسى حزنك لو مرة
زيي ما في ناس نسياك أكيد ليك ناس فاكرة
by
محمود العربي
20 | 10 | 2011

نهاية رحلتى

نهاية رحلتي

دق ناقوس الحب بنهاية رحلتي والزمن دوار

على كتر ما عشت ألوان الحب ما كنت متصور نهاياتي

كدة ترضى تسيبني خالي القلب وتنهي المشوار
كدة من غير وقت فيه حتى ألملم خطواتي
بيقولوا العمر أسرع من القطار
يا ريتني حسيت بيه لحظة بداياتي
ما كنت اليوم عايش وحيد وغريب الدار
وأهرب من العيون اللي عارفة غلطاتي
تعبت يا حب في كل قصة أعذار
تخذلني وتنصف اللي دمر حياتي
بعد فوات الأوان عرفت إن الحياة أسرار
أتمنى أكون أهديت العمر أجمل حكاياتى
بعد ما فات العمر واقف محتار
أدور على من يواسيني ويمسح دمعاتي
حرام يا قلبي تكويني بالنار
بعد ما الحزن دمر حلمي وذود إنكساراتي
لو عرفت ما كنت إتغشيت بضحكتك يا زمن دوار
ضحكتني وأتاريك مخبيلي آهاتي
كلمات راقت لي
محمود العربي

كل الموضوع ......القلب موجوع

خلص الكلام الحلو اللي كان ما بينا
بكيت عيونى ع اللى كان دايما شاغلنا
ولية يادنيا لية تملي بتحرمينا

قوليلي عايزة اية خلاص بقى سيبينا
دة احنا اللي فينا مكفينا
ودموعنا جفت فى عنينا
كنتى تملي بتضحكى
وأتاريكي ضحكتى يا دنيا علينا
العمر راح ولا حسيت بيه
مع قلب ياما انا كنت شارية
ولما جيت انا بسأله
قلي نصيب ومكتوب علينا
تعبتى قلبي يا دنيا بجد
ولا لاقي لسؤالي عندك رد
لية كل اللي بنحبهم
تملي يا دنيا بيجرحو فينا
by
محمود العربي
28| 7 | 2015