شحيب بكائي

شحيب بكائي عليها
أسقم العين ومقلتيها
أبكي عليها وأنوح

وأتمنى عند خروج الروح
أخر نظرة أن تكون إليها
أبكي على عمر مضى
وزمن راح وأنقضى
من قبل أن أتعرف عليها
عرفتها فسعدت
أحببتها فأقسمت
أن قلبي لن يكون إلا إليها
ليالي الوصال مرت
وأبيات الشعر إستمرت
بالغزل والحب إليها
ولاحت ليالي الهجر
وأقبلت رياح الغدر
وتآمر القوم عليها
وأجبروها أن تنساني
وتحججوا بسكنايا وعنواني
أن الطريق يشق ويبعد عليها
فوجدوها بالحب مستمسكة
فضيقوا عليها الخناق
إلا طريق الفراق أن تسلكه
فسلكته غصب عليها
فبكت عيوني عند رؤيتها
فإني لم أنسى محبتها
كل يوم أشتاق وأحن إليها
فيارب فيك أحببتها
فإهدي اللهم قومها
فإجعلها لي وإجعلني يا رب إليها
بقلم
محمود العربي

لا تغضبي

لا تغضبي إن أعتذلت من بعدك النساء
فسوف أعيش على الذكرى
وأشتاق لصدفة اللقاء
لا تنزعجي لحالي
قد أصبح من عادتى البكاء
هكذا أقدار الناس
ما بين السراء والضراء
منهم من ينعم ومنهم من يندم
وخيرهم من يرضى بالقضاء
قولتى لي سأبقى حكاياتك
ورسما فوق مرآتك
وحبا لونه النقاء
وأكدت لكى بأن العصفور
ما ذال يغرد باسمك على شلال الماء
أشعاري لن تكون
إلا فى خمس من حروف الهجاء
كيف لي ان أسلو مع غيرك
لم أجد لكى مثيلا فى النساء
القلوب جميعها تختلف
والتشابه فقط فى الأسماء
انتى تطلبين مني أن أنساكي
وأنا لي عندك رجاء
أن تتركي لي شئ من ذكراكى
أنعم به وقت العناء
وٍسأترك لكي تذكاري
صوري ثم أشعاري
إخلاصي لك والوفاء

أنا طبعي مش خوان

مش هغير أشعار
كتبتها في حبك زمان
ولا ألوم الحب إنه غدار
دة الغدر بيجي من الإنسان
ولا اللي كان بينا مهما صار
مصيره يكون نسيان
ولا أقول سوء إختيار
أنا طبعي مش خوان
وثقت فيك وحكيتلك أسرار
وإديتك يا عمري الأمان
إتمسكت بيك رميتى وسط النار
أتاريك يا عمري ملكش أمان
والله القلب مني إحتار
يلاقيها من ظلمك ولا من ظلم الزمان

غلطة

غلطة يغلطها الغير
وندفع إحنا تمنها
من بعدك قلبي أسير
في ليل الدنيا وظلامها
خلاص يا قلب طير
يا أبو الجناح مكسور
معدش ف حد خير
دي قلوبهم بقت صخور
إية ذنبنا أنا وأنت يا حبيبي
فراقنا دة بإيديهم ولا قدري ونصيبي
إية يا قلبي ذنبك ظلموك بكلمة نصيب
نهيت حبك بيدك ومن بعده بقيت غريب
غلطة تغلطها الناس
وإحنا يا قلبي رضينا
نعيش بدون إحساس
ونسمع كلام أهالينا
آآآآآآآه منه ظلم الناس
تملي بيخلينا
نغير الإحساس
ونهجر أعز ما لينا

He smiled { ابتسم }

ابتسم ودع الجراح تلتئم

مسير الجراح بلإبتسامة تنعدم
متبكيش ع اللى راح واياك تندم
بكره الأيام تثبت !!!!
مين الظالم ومين اللي اتظلم
دة الحق زي النهار مسيره يظهر
مهما الليل عليه خيم
ولا تبكي ع اللي وجودهم كان غاية
ودلوقتي اصبح عدم
وعلى اية تتعجب
ما احنا اتخلقنا من عدم
أقدارنا اتكتبت من قبل ميلادنا
وكل واحد له رزق أتقسم
سيبك من كلام الناس
وخلي قلبك زي الطفل قبل ما يتفطم
ولا تعيب الفقير على عمله
دي حرفة الأنبياء كانت رعي الغنم
ابتسم وخلي الضحكة تترسم
ابتسم مسير الجراح بقى تلتئم

اعرفكم بنفسي

في البداية أعرفكم بنفسي
بس مين أنا وسط المعروفين
أنا إنسان عادي عايش

زي باقي البني آدمين
لا أنا مغرور ولا طايش
ولد طيب ما تغيرني السنين
ما أحب أبقى على الهامش
وما أحب أزاحم المشهورين
بالوسطية دايما عايش
ع الحال دة بقالي سنين
أبويا علمني
الخير ف اللي أشترى وما باعش
حتى في الكلام بنتظر اللي يقولي سين
أقول الحق وما أخافش
حتى لو على رقبتى سكين
واللي عليه علام الجدود ما دارش
جاهل يا ولدي
ولو حتى في المدارس وصل فين
ولما سألوني عن إسمي وفين عايش
قولت محمود العربي وبلدي كوم المؤمنين
بقلم
محمود العربي

ما بين دموعي وعذابي

ما بين دموعي وعذابي
 
أنا اللي ضاع مني شبابي
 
دة أنا اللي ياما كتير ضحيت
 
على ناس فاكرهم أحبابي
 
لفي يا دنيا ودوري بيا
 
زيدي جراح زيدي قسية
 
راحت خلاص مني الفرحة
 
ونسيت طعم الحنية
 
عن ناس زمان كانوا ف حضني
 
وبقو هما سبب حزني
 
من الناس دي ياما أنا شوفت كتير
 
بقى جرحك إنتي هيتعبني ؟
 
هاتي يا دنيا كمان هاتي

وزيدي آه على آهاتى

هاتي يا دنيا كمان هاتي

وزيدي آأأأأأأأأأه على آآآآآآآآآهاتي

ما بكتشي على عمري اللي راح
 
يعني أنا هبكي على الآتي

ما تحن يا زماني وسامح
 
غيرت فيا أحلى ملامح
 
كتر الهموم غير شكلي
 
وما بقتش قادر أنا أقاوح

  بقلم

محمود العربي
 

 

12 | 10 2014

عملة واحدة

مش هنفترق أبدا
ولا هنتقابل في حياة ألوانها بقت باهتة
لأننا بالمختصر
عايشين وجهين لعملة واحدة
ملك وكتابة
قصة حب هتفضل دايما خالدة
كتير حب قبلنا ولا طال
ولا نقص في عمره أو ذاده الوصال
وكتير اللي بيماشي الحياة كدة مجاملة
مين اللي حب وعاش
دور عنتر وغرام قيس
والدنيا بقت علية قاسية وجاحدة
ومين اللي باع ببلاش
والحب عنده رخيص
ومين في بنات الزمن دة
تصبر صبر ليلى وعبلة
بقلم
محمود العربي

طبعي كدة

طبعي كدة يا صاحبي
عمرى ما أبيع بالساهل
ولا يوم قولت على حد حبيته
إنه ما يستاهل
فى ناس كتير طبعها كدة
بمشاعر الناس تتساهل
وأنا عمرى ما هكون زيهم
ولا هقبل إنى أبقى جاهل
دة اللي يحب عمره ما يكره
ولا ينسى بالساهل
أدينا فى الدنيا بنتعلم
والله صحيح
العلام مش بالساهل

الوشوش ألوآن

في ناس جميلة تحسها
لكن الوشوش ألوان
في ناس بريئة بطبعها
عايشين حياة حرمان
فيهم اللي قاسي علينا
فيهم اللي حاسس بينا
وكتير منهم ياقلبي
تملي بيجي علينا
فى ناس أصيلة منها
فى الدنيا دى منمل
تلاقينا نجرى على حضنها
لما التعب بيهل
هما اللي باقيين لينا
والكل قسيو علينا
ولا عمرنا ف يوم ياقلبي
بكيت منهم عنيا
دول اغلى ناس عندنا
ونسيانهم دة محال
تملي جوه قلبنا
فى الحل والترحال
الدنيا دارت بينا
أو حتى رضيت علينا
حبهم دايما باقى
وبيأثر تملي فينا

عايش

عايش زى النخيل
وحدفونى الناس بالطوب
يا صاحبي لا تماشى البخيل
طريقه تملي معطوب
دة الأصيل الخير فيه دايم
وتشهدله كل الدروب
واللي يتعالى ع الناس
عمره ما كان بينهم محبوب
واللى صافي النية
عايش جوه القلوب
وعلى اية هنتكبر
دة احنا جيناها
من غير كسوة ولا توب
واخرتها اية غير
كفن وقالب طوب
ياعمر راح مني
ومالت شمسه للغروب
يارب على نفسى عيني
صابر انا ع الوعد والمكتوب

اكتب وانشر بيع كلماتك

اكتب وانشر بيع كلماتك
شوف كام يوم من عمرك فاتك
احكي واقعك احكي حياتك
فوق من وهمك شد رحالك
قبل ما يشمت فيك عزالك
مين ف افراحك ويا احزانك
مين كان يفدي بروحه مكانك
مين كان دايما يا خد بايدك
مين اللي مقدرش وخانك
مين ادتله العشق بحور
مين داق طعم الفرح بحنانك
قابلت صاحب قال فين ايامك
ماشفتهوش بقالي زمان
قالي فينك وفين همس كلماتك
اللى بترجعنا لأحلى ايام زمان
حتى لو كان حاضر مؤلم
يكفى دايما فيها انك عنوان
بكره هيجي يوم يتقال
دة كان . كان
ووراها كام نقطة ........ كمان
دة كان صالح دة كان طالح
دة كان مخلص دة كان خاين
دة كان وكان وكان
كمل نقطك يلا بايدك
ولا تنسى انها لك عنوان
قبل ما يجي يوم يقال
دة كان وكان وكااااااااااااااان

}{ الغيرة }{

يامن تغاري بالحديث عنها
أنتِ عشق الروح فى الهُيمِ
أين أنتِ وهي أين مسكنها
كالفرق بين السماءِ والأرضِ
أقولُ بكل صدقٍ أني نسيتها
هي ماضٍ وأنتِ حبي الأذلي
يكفي إليكى أشعاري أكتبها
فهي لم تحرك فيومٍ قلمي
لا وجه للمقارنة بينكِ وبينها
فهل يتساوى العلم بالجهلِ
أكتم الآه بالقلب وأكظمها
على خطوةٍ ذلتني لها قدمي
كم من الخوافي لا سوى الله يعلمها
ولابد يوما يحن الفرع للأصلِ
آه من أمارة السوء وظلمها
أخاف يوما تضيع لي أجري
فيا من عشقتها وأحببتها
إياكِ يوما تبوحي بالسرِ
وأنسي أين وكيف قابلتها
فأنتِ الحب ودونك النحرِ
أنتِ التي أحببتها وعرفتها
عفيفة الروح وكريمةُ الأصلِ

}{ أتمناكي يا روحي }{

أتمناكي ياروحي تخطي وتروحي
للي أغلى من روحي
دول هم أغلى الأحباب
أتمناكي يا روحي تخبي ألم روحي
عن روح روحي ولا تحكي عن العذاب
أتمناكي ياروحي تعشقي حبيب روحي
وتداري عنه جروحي د إحنا لسة أحباب
أتمناكي يا روحي تخبريني عن روح روحي
وتطمني لى روحي عنه بعد الغياب
أتمناكى يا روحي قبل ما تروحي
تروحي لحبيب روحي تطمنيني عليه قبل الذهاب
وأتمنى يا روحي بعد ما تروحي
تجيني روح روحي وتقرأ فاتحة الكتاب
وترجعلي تاني روحي وأرد سلام روحي
وتحن فيا روحي وأنا تحت التراب
وأقول بالله ياروحي خليكي ما تروحي
دة لقاء من بعد غياب
وتدعي الله ياروحي يجمع روحك ورحي
فى جنة الوهاب
وأتمناكي يا روحي تيجي من تانى وتروحي
وترجع وياكي روحى توصلك للباب
وترجع تانى روحي للوحدة يا روحي
من تاني تنتظر روحي
زيارتك يا أغلى الأحباب 

هي الدنيا اللي بتجرحنا
ولا احنا اللى ضميرنا بريئ
لية الحزن بقى ف ملامحنا
وبنقابله فى كل طريق
لية تملي الغدر يجينا
من كل حبيب وصديق
سلمنا روحنا بإيدينا
وافتكرنا الحضن بريئ
أتارينا على روحنا جنينا
ورمناها في طريق الضيق !!

راجع

من تانى يا قلبي راجع
هتخودنى للمواجع
ما احنا نسينا وقلنا خلاص
رجوعنا معدش نافع
والله يا قلبي فيك اخلاص
بس ياريته كان سامع
دقاتك
لما قال خلاص
معدش القرب نافع
لا البعد حنن قلبه
ولا اثرت فيه مدامع
راح يا قلبي وقلنا خلاص
جاى من تانى يقولي راجع !!!!!
راجع على أى أساس
وف أي شئ تانى طامع
راجع حسابك انا خلاص
بيني وبينك بحور مواجع
كلمة من الإحساس
صدقني
معدش الرجوع نافع

ف بحر الحياة

ف بحر الحياة
غرقت كل الأمانى
تاه منى طوق النجاة
وفضلت وحدى أعانى
معقولة هى دى الحياة
اللى كانت زمان عجباني
جري العمر ومر بينا
ياااااااااااااااااااااااااااه
لو نرجع صغار من تاني
بكيت وقولت ااااااااااااااااه
والكلمة ليها معاني
اااااااه منها دى الحياة
كتير منها بعاني
واااااااااه وألف ااااااااااه
إكمنك مش فهماني
ولو كنتى فاهمة ياااااااااه
ضيعتي أسمى المعاني
حب وزمان عشناه
ضاع من إدينا ف ثواني
راجعة تاني بتتمناه
وهو العمر فيه تاني

فينك يا ضحكة

فينك يا ضحكة
من زمان وحشاني
الحزن سرقني منك
خدني بعيييييييييد وداني
توهنى بعيد عن حضنك
وعلى شط الألم رماني
حني بقى علينا
ولمي الشمل من تانى
يا ضحكة كانت مالية عنينا
الحزن هد كياني
العمر بسرعة جري بينا
واللي بيروح مش بيرجع تاني
الفرح جواه عيشنا
ونسينا ملامحه ف ثواني
لما الحزن خبط على بيتنا
نسيت وفتحت له أحضاني
آه منك يا دنيا
تملي معاكي تعباني
خلاص كدا يا دنيا
ولا لسه فيه تاني

لحظة سكات

لحظة سكات
إية إستفدته من السكات
ماهى كانت قدامك ساعات
كل ما تيجي وتقول أحكي
تذيد ف قلبك النبضات
وترجع تانى للسكات
ولو لمحِت شئ ف عيونك
تيجي وتقولك سلامات
وبغبائك تدخل أنت وسط دوامة حوارات
وتغير بقى فى كلامك
وتتكلم ف أى حاجات
هي عايزة كلمة منك
كلمة حب وسط آهات
من بعدها خد بقى إعترفات
إن أنت أول حب ليها
وياما حكت عنك حكايات
مع صاحبتها ومع جارتها
ومنتظرة منك إشارات
فضلت ساكت وضاع حلمك ويا السكات
لما شافها شاب غيرك
ضمن حفلة من الحفلات
راح بسرعة طلب ايديها
وافقت وف عنيها دمعات
ما هو مش معقول هتبوح بحبك
وأنت تايه فى السكات
يمكن هي مش على بالك
وحبها ليك مجرد لحظات
عاشتها معاك وانت مش اخد بالك
وكل دى طلعت ظنونات
ولما سمعت أنت بفرحها
قمت جريت ودقيت الباب
قالت موافقة يا حب عمري
يعنى كان لازم أحركك بإشاعات
نصيحة مني
لكل الشباب والبنات
أوعه يضيع حب عمرك
في لحظة سكات 

شكلنا بقى زي بعض

شكلنا بقى زي بعض
مستحيل يوم نفترق
حتى وإحنا فى عز البعد
قلوبنا تملي بتتفق
تفتكرني لحظة سكات
وتفوت عليها الذكريات
مستحيل أجمل حاجات
جوه قلبي تتحرق
ملامحك كلها منى
يدوب الإسم متغير
أنت أغلى عندى مني
بحبك من وأنا صغير
فاكر زمان لما اتعاهدنا
إنى ليك وهتبقى ليا
حتى لو الزمان فرقنا
مصيرك يوم ترجع ليا
بعد الرجوع مفيش تانى بعد
كلمة وقولتها لك زمان
إنى أنا وأنتى هنبقى لبعض
حتى لو مر الزمان
****************
شكلنا بقى زي بعض
مستحيل يوم نفترق
حتى واحنا فى عز البعد
قلوبنا تملي بتتفق

يا دنيا أية العمل

يا دنيا إية العمل
دة الحظ والله غايب
يا دنيا فين الأمل
وفين هما الحبايب
يا دنيا ماتريحينى مشتاق وقلبي دايب
فين اللى كانو يا دنيا هما أغلى الصحاب
راحوا وفاتونى يا دنيا بقاسي من العذاب
اه من غدرك يا دنيا فرقتى لية الأحباب
يا دنيا إية العمل
دة الحظ والله غايب
يا دنيا فين الأمل
وفين هما الحبايب
يا دنيا ماتريحينى مشتاق وقلبي دايب
عايشين فيكى يا دنيا
مظاليم وناس مجاريح
فيكى سهارة حيارة
وطبيب يداوى جريح
ياما في كتير مراكب
راحت ويا الريح
يا دنيا إية العمل
دة الحظ والله غايب
يا دنيا فين الأمل
وفين هما الحبايب
يا دنيا ماتريحينى مشتاق وقلبي دايب
إحنا اللي كنا يا دنيا
جوه القلوب عايشين
راح الأمان يا دنيا
ودارت بينا السنين
وهقولك إية يا دنيا
دة فرحك دام لمين
يا دنيا إية العمل
دة الحظ والله غايب
يا دنيا فين الأمل
وفين هما الحبايب
يا دنيا ماتريحينى مشتاق وقلبي دايب

مكنش العشم يا خلي

مكنش العشم يا خلي
أخر الطريق تيجى و تقولي
بلاش إهتمام
وأنا اللي كنت سهران تملي
براقب خطاك زي ضلي
معقولة دة كلام
كتير الشوق كان يا خدني
عند بابك يوقفني
الله يرحم الأيام
نسيت بسببك إية حصلي
وإية اللي جرى ولا همني
ولا دي أحلام
مش هسأل اية اللى غيرك عني
ولا هقول إرجع يا حته مني
ولا هعيش ف أوهام
من النهارده ووعد مني
هبعد واياك تظلمني
كفاية عليا ظلم الأيام
لا أزعل منك ولا تزعل مني
مصيرك ف يوم هتعرفي
صدقني كفيلة الأيام
قبل الهجر ورحيلك عني
لك من القلب ومني
أحلى تحية و أغلى سلام

أما آن وقت اللقاء

أنا مغرم بك من الألف حتى الياء
أنتى امرأة تختلف عن جميع النساء...
أنا بدونك دنيا تسعى للفناء
أريد أن تنطقني همسا
لاسم يعني لها البقاء
أريد أن أكون في غضبك بسمة تمحو الشقاء
أريد أن أكون في حلمك انشودة تتعطش الارتواء
أريد أن أكون معك واهوى فن الإصغاء
أضم رأسك لصدري كطفل مدلل يلبي النداء
أنت أبجدية حرفي
قصائدي وسطوري دون انتهاء
أنا بدونك لا عنوان لا وطن ولا إنتماء
حبيبتى
أما آن وقت اللقاء ؟

سميني زي ما تسميني

سميني زي ما تسميني
سميني زي ما انتى عايزة
لحظة ف حياتك كانت جميلة
او حتى كان حب تلامذة
والله أيامك أحلى سنيني
والأيام ما بقتش عايزة
ترجعي ليا وتوديني
ترجعي بنفس المعزة
كل حرف بينك وبينى
له ف القلب قصة خالده
أبجدية بتذيد حنيني
ونصوص حياتى نار قايدة
تعبير حياتي ف تكويني
إعراب لحب بكل مودة
و تسألينى عن تنويني
أقولك
( أ ) الألف نقصاه الهمزة ( ء )

قرار

أيام بسيطة بالعدد
أنا وأنت سوا عشناها
لكنها عندي تساوي العمر كله
ليه أيام الحب سابتنا
ولا إحنا اللي هجرناها
دة أنت عندي بالعالم دة كله
خطوات إنكتبت
أنا وأنت مشيناها
كان نفسي نكمل الطريق لأخره
ليه إفترقنا
وإية الغلطة اللي غلطناها
إنسان عشانك
فارق حتى أهله
أيام حبك
أنا وقلبي ما ننساها
قرار
كان بإيديك وأنت ضيعته
يا ريت تحن لأيام الحب
اللي قضيناها
أو لبيت شعر مني سمعته
الموجه كانت صعبة
ويا ريتنا عاندناها
قرار
الفراق غصب عني تقبلته

قست قلوب

قست قلوب # وبكت عيون
طول عمرها تملي
حافظة الود وما بتخون
صاينه حب بقالو سنين
وعمره عليها ما بيهون
كل واحد شق طريقه
ولسه الحب باقي ومكنون
لا الحب يقدر ف يوم يتكلم
أصله جوه القلوب مدفون
لا حد فيهم قادر يقرب
ولا ع البعد بقو قادرين
لية راجع تانى وبتقرب
تفتح جرح بقالو سنين
فاكر زمان لما جيت اقرب
جيتلك بطيش المجنون
أية اللي عملوه أنت ساعتها
وفادنا بإية دمع العيون
حاول تنسى حبيبي وجرب
وإحسبها في لحظة سكون
مين من قدره يقدر يهرب
وسلمها لرب الكون
ولو يوم الصدفة جمعتنا
نكتفي بنظرة عيون
وكل واحد فينا يدعي
للتانى بقلب حنون 

() سنين يا قلبي ()

سنين يا قلبي ومركبك
مش عايزة ترسى
سنين تايه فى غربتك
ولا لاقي مرسى
راحوا الحبايب فين
وفاتولي دمع العين
مكتوبلي أعيش حزين
ولا أقدر أنسى
كان نفسي أشوفك وأحضنك قبل الرحيل
ونختم نهاية قصة العمر الجميل
يا أعز صاحب ليا
جفت دموع عنيا
دة الحزن علم فيا
ومالقتش لك بديل
يا عيون قوليلي بس زية ألاقي فين
يطيب جراحي ويسقيني بإيدية حنين
أنا قلبي داب أحزان
تحرمني ليه يا زمان
مش برضه أنا إنسان
سايبني بس لمين
هو اللي كان عني يخفف المواجع
بصرخ وأداري دمعتي ولا حد سامع
بعده لمين أسراري بس يا ناس أحكيها
ومين يطفي ناري ومين يحس بيها
سلام يا صاحبي وحبي لك ملوش نهاية
هفضل أنا على وعدي لك يا أجمل حكاية

همومنا مكفيانا

همومنا مكفيانا وزيادة
شايلين جوانا وساكتين
كفاية يا ناس بزيادة
دة احنا برضه بني آدمين
هي الجراح عندكم عادة
ولا احنا اللي معدناش فاهمين
ولما سألونا عن السعادة
قولنا ادينا عايشين

بادر

بادر دايما بلإحسان
ولا تسأل عن كنا وكان
الله يرحم أيام زمان
كانوا بيحكوا عليها أساطير
كانوا عايشين فيها بأمان
يا ما قالوا عنها في مواويل
إتهزت لها الجدران
فين دلوقت وفين زمان
عايشين بنكافح على قوتنا
ونفسنا فى لحظة حنان
قبل ما قطر العمر يفوتنا
ونبقى ذكرى ع الحيطان

فكري

راجعي نفسك وفكري
قبل ما تنوي وتقرري
إنك تبيعي وتهجري
فكري مرة وإشتري
قلب حبك
فوق ما تتصوري
ياما كتير ضحى عشانك
وعشمه فيكى هتقدري
ولا عمره ف يوم هينسى حنانك
مهما تجرحي فيه وتكسري
نفسه يعيش بين احضانك
بس آآآآآآآآآآآه لو تقبلي
و بعين قلبك تنظري
حاله إية لو تهجري
وياريت يا قلبي تفكري
قبل ما تيجي لحظة
فيها عليه هدوري
ومش هتلاقي قلب زيه
خايف ساعتها تزعلي
إنه حبك حب جنون
وبالحب كنتي بتبخلي
وهي دي حكايتى معاها
إكتبي يا دنيا وسطري

إلي صديقي

لاَ تَعبسْ بِوجهِ ضَيفِك
فهذاَ لَيِسَ مِن خُلُقِك

يا صاحبيِ
إِن الكَريمَ يُسَرُ بِالضِيفَان
فإن ضاقت بك محنتك
وتعثرت في خطوتك
ربما
هذا اختبار لك من الرحمن
إن إختلفنا في الحديث
لا تجعل بيننا مدخلا للشيطان
فإني أتيتك ناصحا وجليس
فما ذنب ذاك الفنجان
فالقلوب تصبح مثله
بعد الكسر ليس لها جبران
قد رأيت بعينى دمعه
على الخدود شهود عيان
قل لي بالله ما ذنبه
فهل يجازى الإحسان إلا بلإحسان
by
محمود العربي
 

الله يرحمك يامه

عدت سنة من الزمان
وحشتيني يا نبع الحنان
يا مه الكل فاتوني

ولا عاد يزورونا الخلان
يامه يا ضي عيوني
من بعدك راح الأمان
حتى باب بيتنا ما عاد يخبط
نسيونا حتى الجيران
وأول ما بتيجي سيرتك بتلخبط
واخفي الدمع بين الأجفان
تيجي أختى تسألني تفطرني وتسحرني
وأقول ما عاد لك طعم يا رمضان
كنتى زينة اللمة
أعطش أجوع أقول يامه
وأول ما أنطقها
تروح عنى الأحزان
الموت علينا حق
بس صعب فراق الأبدان
وأنا كل ما أقول وأنطق
بدعي المولى يجمعنا
في الجنة مع نبينا العدنان
إلى أغلى ما في حياتى
من ميلادى لمماتى
إلى امى الحبيبة
من ابنك المخلص
محمود العربي
23 | 6 | 2015

الحب قصة بتتعاش

الحب قصة بتتعاش
حكايات جميلة ومحسوسة
إوعى ف يوم تبيع ببلاش

ثقة يوم كانت فيك ملموسة
دي دنيا فانية متسواش
دنيا ردية ومنحوسة
بنت الهفايا لو ببلاش
ابعد منها دي موكوسة
خد الأصيلة ومتسيبهاش
خصال الأدب فيها مدروسة
خاف الله ومتتعداش
حدود الشرع ودروسه
حياة اخرتها متر قماش
لو يوم تغرك يادي الحوسه
بقلم
محمود العربي

لا تخافي

لا تخافي يا صغيرتي
فموطني لا تسكنه الذئاب
دار فسيحة تحفها الورد وتكسوها الأعناب

الدار لا بأساسها بل بأهلها الأعراب
أم تلك حجتك لطريق الذهاب
أم تتصنعي الرأى وتعتقدين بأنه صواب
يا هلال السماء وبدرا بيني وبينه حجاب
أما تتمهل فقلبى قد كساه الضباب
قد أتى إليك رفيق العمر موضحا بالأسباب
ورجع ليحكي عجب العجاب
فلا تأخذ حديثي بأنه عتاب
فلا ألومك فى البعد
ولا أمدحك فى الإقتراب
سل عنا الأقارب والأغراب
فلأصل جعفري عريق الأنساب
ولا أمدحن بذاك نفسي
كلانا بنو آدم
وخلق آدم من تراب
بقلم
محمود العربي

أنتظرك لأخر العمر

أنا اللي بكيت على فراق الأحباب
ومن بكايا حن الحجر
أنا اللي جفاني النوم ودبلت الأهداب

وطال الفكر ويا السهر
أنا اللي الخطاوي خدتني ودقيت الباب
وقالوا حبيبك على سفر
أنا اللي بقيت من الأغراب
ولا منه جالي مرسال ولا خبر
أنا اللي بشكي ليل السراب
وأنيني تحركله ورق الشجر
أنا اللي تعبت من طول الغياب
بتمنى رجوعك ولسه منتظر
بقلم
محمود العربي 

فراق بقراق

مين قال الوحده طعمها حلو
إسأل اللي قبلك داق
كل يوم بعاد بيمر
بيذيد أنيين العشاق
مهما كان طعم الحب مر
أهون بكتير من الفراق
الوعد ما يخلفه الحر
بس الكرامة فوق الإشتياق
ولو طعم الحب بقى إنكسار وذل
يبقى خلاص فراق بفراق




 

حياتنا إية غير ذكرى

حياتنا إية غير ذكرى 
نعيش نذكر فيها
إلى أن نبقى ذكرى 
من بعدنا الناس تحكيها
نسيت أقولك على فكرة 
حياتى إية أحلى ما فيها
إنى حبيت مرة 
ولا يمكن أحب تانى بعديها
أحلى ما فى حياتى الفترة 
اللى عرفتك فيها
وياريت تطول الفترة 
أو بوصلك تمديها
لحد ما أبقى ذكرى 
أسيبك تعيشى عليها
وأتمناها متكنش مره
 تفرحك كل ما تتذكريها
تتذكريها فى ليل وسهرة 
وتغفل عيونك عليها
وتشرق شمسك على ذكرى 
لندى ورودك تحكيها
وتفضل عايشة ذكرى 
إياكى يوم تنسيها
حبك أحلى زهرة 
يفوح العطر منيها
حتفضلى أحلى ذكرى
 إستحالة السنين تمحيها
كلمات محمود العربى
الأربعاء 7/9/2011

هبعد عنك

هبعد عنك
بس يا ريت اللي فضلته عليا يرضيك
وأتمنى الخير يكون مصيرك

هنسى الدنيا كلها
واعيش على ذكرى لياليك
ولا أحب ف يوم حد غيرك
لو كنت حبيت التاني وهويته الله يهنيك
بس خايف ف يوم يقسى عليك ويخونك
وترجع تشكيلي والدمع فى عنيك
على فراقي يأنبك ضميرك
وتدور بين الناس
عن حبيب كان زمان يسليك
وللأسف تلاقيه راح لغيرك
ذكريات الماضي عليه تواسيك
وتقول لك إبكي
اليوم جه دورك
وللأسف ما يفيد دمع عنيك
حتى لو جفت من البكاء بحورك
أصله رحل عن دنياك وما يقدر ياجيك
والقبر يقول لك عاش ومات أسيرك
إحتار يعذيني في حبك ولا فيا يعذيك
يا ريت راعيت ف الأول ضميرك
رحل ورجعت الذكرى تبكيك
على رحيله
ولا على آخرة مصيرك
ما كان حبيبك بين إيديك
اليوم صحي وأنبك ضميرك
***************************
كلمات لحب وصل منتهاه
من قلب فقد الإحساس بالحياه
محمود العربي

الكرامة فوق كل شئ

كدبة كنتي فكرها صغيرة
وسمتيها قال اية إختبار
خسارة يا قصة حب قصيرة
كان نفسي نكمل المشوار
مين فينا كان بيحلم ببكره
ومين فينا اللي ضيع بإيديه القرار
أيوه حبيتك من أول نظرة
وعارف إني أحسنت الإختيار
هي صحيح عجبتني الفكرة
بس كرامتى فوق الإعتبار
الكدب يقتل الحب ويدمره
ولا يفيد بعده مليون إعتذار

فكراني يا دنيا

ياليل بقولك حبيبي فاكرنى ومش ناسي

وانت ياليل اللي دايما علينا قاسي

فيك اللي انجرح يا ليل

وفيك اللي بيواسي وفييييييييييك اللي بيواااااااااااااااسي
 
آآآآآآآآآآآآآه ياليل
 
فكراني
 
فكراني يا دنيا فكراني
 
دة انا اللى تايه فى زمانى
 
عنك ابدا عمري
ما توب

ولا قولتش يوم آآآآآآآآآآآه ياني
 
صُبي يا دنيا وإسقيني
 
عذاب فراقهم وسنيني
 
ايام ما كانوا جوه فى حضني 

وشايلهم أنا ف نن عيني
 
خلاص يا دنيا راح اللى راح
 
قلب انجرح وقلب ارتاح
 
يادنيا طول عمره دة طبعك
 
من اللى فيكي عاش مرتاح
 
يا دنيا لية آسية عليا
 
دايما تبكيلي عنيه
 
عمري ما هنسى ايام زمان
 
وجوه القلب هتفضل هي
 
يادنيا حني بقى علينا
 
وبأحلى فرحه تقابلينا
 
كفاية حزن بقى وفُرقه
 
دة احنا اللي ياما قالوا علينا

قلوبنا ليهم مشتاقة

والدمعة نازله حراقة

لو النصيب فرقنا فيوم

مسير الحي يتلاقى

فكرانى يا دنيا فكراني

دة أنا اللى تايه فى زماني

{فكراني}

  بقلم
محمود العربى
9
10
2014

إلي من يهمه الأمر

عملت كتير عشان خاطرك

وراح كل اللى عملته

لا انا حابك ولا كارهك

ولا في يوم قلبك ظلمته

وعدتك وكنت وافي

وانت الوعد خلفته

على اية تشكي الأسى

دة الأسى انا اللى شفته

بعت كل الناس عشانك

ولا إحساسى قدرته

عجبنى فيك تمسيلك

وتوب حبك اللي

على شماعة النصيب علقته

لا أنا فى قربك زاد عمرى

ولا ببعدك نقصته

عيش حياتك ياصاحبى

الدرس خلاص إتعلمته

عمر الدنيا ما بتوقف على حد

كتير ظلمنى قبلك وسامحته

أصل القصيدة

أنتي يا بيت الشعر يا أصل القصيدة

حزينة كانت أو سعيدة

تلميحي ليكى بكلماتي

بختصره في جملة مفيدة
لو حتى ذادت معاناتي
خدي مني فكرة جديدة
عن ال راح وعن الأتي
خليكي شخصية فريدة
كل ال جاي يتمنى وصالك
حتى ال راح سكة بعيدة
يذكر جمالك ودلالك
ويمدحوكي فى قصيدة
تبدأ باسمك وأوصافك
وتنتهي بفرصة سعيدة
بقلم
محمود العربي

نصيحة لعاشق

الحب قصة بتتعاش

حكايات جميلة ومحسوسة

إوعى ف يوم تبيع ببلاش

ثقة يوم كانت فيك ملموسة
دي دنيا فانية متسواش
دنيا ردية ومنحوسة
بنت الهفايا لو ببلاش
ابعد منها دي موكوسة
خد الأصيلة ومتسيبهاش
خصال الأدب فيها مدروسة
خاف الله ومتتعداش
حدود الشرع ودروسه
حياة اخرتها متر قماش
لو يوم تغرك يادي الحوسه
بقلم
محمود العربي

إياك تستسلم للوحدة

إياك تستسلم للوحدة

وعيد حسباتك من تاني

مهما الدنيا كانت صعبة

مفيش حاجة تيجي كدة مجاني
ظلم الأهل وظلم الصحبة
وفوق كدة ظلم زماني
بماشيهم واحدة بواحدة
والضحكة هي برهاني
تعبتوا قلبي يا ناس جاحدة
معقولة دة جزاء إحساني
ولا يوم هستسلم للوحدة
ولا يغويني بها شيطاني
أصل أنا عندي حياة واحدة
معقول هعيشها من تاني ؟
بقلم
محمود العربي
4 | 9 | 2015

الله يرحمك يا إبني

الله يرحمك يا إبني

فارقت بسرعة لية حضني

وسبت قلبي بيبكي جريح

ودمع فراقك عذبني
أنا السبب يا إبني مشيت بيك
وقولت أبعد بعيد وأداريك
ونعيش مع بعض حياة جميلة
وأتاري الموج غدر بيا وبيك
يامه هو دة نصيبي
لاهو عيبك ولاهو عيبي
ولا حد حس بوجعك يامه
لما صرختى وقولتى حبيبي
دي ناس عايشة فى توهه يامه
ولايعرفوش طعم اللمه
المهم يعيشوا حياتهم
وحياتنا ملهاش بقى لازمة
رضينا بنصيبنا وقسمتنا
والمهر دفعناه حياتنا
بس يا رب يفقوا هما
مركب ورسيت على شطي
وأنا يدوب لسه بخطي
خطوة خطيتها في بلادي
ما بين مجدي وأجدادي
والخطوة التانية على قدري
كفاية بكى ودموع يامه
إبنك فى نعيم الجنة
يوم القيامة هنتقابل
وهاخد حقي أكيد يامه
بقلم
محمود العربي
3 | 9 | 2015

نَاديِتُ فِي دُجَىَ الْليلِ

نَاديِتُ فِي دُجَىَ الْليلِ

يا قَمرَ الزَمانِ

أَمْا تَجُودَ بِاللِقَاءِ فَقْد أَضنَانيِ حِرماَنيِ

واَلمُقلَتيِنِ مِنيِ سَاهرةُ
واَلدمُوعِ علَىْ الخْدِ شُهُودً عِياَنِ
رُوحتُم وراَحَ القَلبُ يُنشِدكُم
كَعصفُورٍ علَىْ الأَغصاَنِ
يُنعِينْيِ فِراَقُكمْ
وَأبكَانيِ كَالصِبياَنِ
ياَ مَنْ أَشتَاقُ وِصَالَكُم
لَكُم مِنيِ عُذْرَانِ
عُذرُ فِي إِخلاَصْكم و وَلإَئِكُم
وَعُذرٍ تُخفِيةِ المَعاَنيِ
فَإِن حَلَلتُم يَوماً
بِحيِ العَاشِقِ الوَلهَانِ
سَتجِدُونَ حُبَكُم
كَما كَانَ فِي الوِجدَانِ
وَهَذاْ صِدقُ محَبتِي لَكُم
بِلاَ كَذبٍ وَلاَ بُهتَانِ
بقلم
محمود العربي
3 | 9 | 2015