الكلام اللي بقوله
صعب شرحه
وسنين يطولو
لية بتهجر قلب حبك
كتير غيرك حاولوا يطوله
وهو متمسك بحبك
وأنت لية مانع وصوله
طول عمره عايش بستان طارح
لا كلام طايش ولا سهم جارح
ودايما سامع للي تقوله
لية تقابل الفرح بجرح
لية زرعت حزن العمر بطوله
وإياك تقول كان غصب عنك
وهتعيش لحبي وتبقى أسيره
وتحكي عن اللى حرمني منك
وتبرر بكلام يصعب تفسيره
أنا دايما بدعي وأقول يارب
وسايب قلبك بقى لضميره
